Itel Martis ta tuma retiro komo Roadmen di Hype despues di 3 aña

Mundu di farándula sa ku Itel Martis a bin ta desplegá e trabou di Roadmen di Hype pa 3 aña kaba di un manera sublime.

Itel Martis ta un persona sumamente responsabel pa ku su trabounan i tareanan ora di ehersé esaki nan. Pero a yega turno pa bai hasi otro reto i proyektonan ku a yega na su persona, ku lo bira poko difísil pa sigui ehersé esun serka di e banda HYPE.

Itel su persona sigur lo bai hasi falta pero e Management Team di HYPE por keda konta sigur ku e sosten i konseho nan di Itel te kaminda ku e por.

Itel Martis ta deseá HYPE tur klase di éksito i sigui ku e bon trabou den nos Farándula i den eksterior.