WILLEMSTAD – 6 juni 2014 Isotex Curacao a habri su portanan ofisialmente na Kaya W.F. G. Jombi Mensing z/n (tegenover Kooyman) pa e pueblo di Korsou ku un ceremonia festivo. E kompania aki, originalmente di Venezuela, ta un lider riba merkado i un trendsetter den e produkshon i aplikashon di e sistema di konstrukshon EPS (Expanded Poly Styrene) pa asina por konstrui di un forma duradero I efisiente. Energia i efisiente pa ku tempu ‘Den e klima kayente ku nos tin ta sumamente importante pa konstruí un edifisio ku por keda mas fresku posibel. Na mesun momento, nos klientenan tambe kier konstruí di un forma ekonómikamente efisiente’ esaki según Commercial Manager Sr. Otto Zalm. Isotex ta kumpli ku e demanda aki door di entregá systemanan di EPS di kalidad haltu kual ta isolá bon mientras ku nan ta simpel pa huza den konstrukshon kual ta kontribuí na hasi e tempu di konstrukshon mas kortiku. Sigur den e situashon ekonomiko aktual, esaki ta di sumo importansia. Seguridad Isotex no ta ofresé unikamente un solushon pa konstrukshon duradero i efisiente, pero tambe e ta un forma sumamente sigur pa konstruí. Tin e tendensia di kere ku e produkto aki ta unu ku por kima fasilmente. Resultadonan di varios testnan riguroso ku a ser hasí pa tantu brandweer komo varios expertonan di seguro ta konkluí ku esaki no ta e kaso ku e produkto aki. E systemanan di Isotex no ta unikamente duradero i efisiente, pero tambe ta garantisa e habitante e seguridad deseá di e edifisio. Establesementu di Isotex na Korsou E kompania a opta pa habri un filial aki na Korsou, komo ku e ta konvensí ku tin hopi oportunidad ainda pa Isotex trese inovashon riba merkado ku su produktonan di kalidad. ‘Nos a kuminsa ku un joint venture kual ta un manera masha bunita pa sera konosí ku e merkado. Awor a jega e ora pa introdusí Korsou na e bon nomber ku Isotex a krea’, pues Sr. Thomas Pollehne, proprietario di Isotex Group. ‘Na 1953 mi tata tabata e promé empresario ku a traha ku e materialnan aki. Awor nos a krese fuertemente den e region I nos tin fabrikanan sumamente moderno na entre otro Caracas, Maracaibo, Sto. Domingo I Panama. Mi ta orguyoso ku awor nos por agregá un establesementu na Korsou pa asina hunga un rol sumamente aktivo den nos merkado’ ta konkluí Sr. Pollehne. Tokante Isotex Isotex a wordu fundá door di Sr. Guenther Pollehne na aña 1953 kende tabata e promé persona pa traha ku panelnan EPS. E kompania ta aktivo na Korsou for di 1989, bou di nomber Isowall Contractors N.V. un joint venture entre Isotex I Jos Schoonen. Un di e promé edifisionan ku a wordu konstruí ku e material aki ta esun di Scarlet ubiká na Fokkerweg, sigí pa varios projekto tantu na Korsou komo na Boneiru. Grupo Isotex tin filialnan na Venezuela, Sto. Domingo, Panama I Korsou.