Is-lands’ Airport Safety Committee (IASC) ta un organisashon ku a wòrdu fundá den aña 2005, na momentu ku algun profeshonal riba e tereno di aviashon a partisipá na un seminario di Safety Management System na Aruba. Durante di e seminario aki, e nesesidat pa e islanan ku tabata forma Antia Hulandes traha huntu i koperá ku otro riba e tereno di aviashon a bini dilanti i IASC a keda instalá. Durante años e safety committee aki a keda traha pa promové safety den aviashon i e aña aki IASC a selebrá su di dies aniversario. E mando di IASC ta rotativo entre e isla nan i e aña aki ta toka na Aruba. E Presidente aktual di IASC ta señor Eric Martijn, ku den bida diario ta laborá na Aeropuerto Reina Beatrix na Aruba. Na e momento nan aki IASC ta konta ku 8 miembro kual ta e 6 isla nan di eks Antia Hulandes huntu ku Surnam i Antigua. Pa selebrá e di dies aniversario, IASC ta organisá un kumbre titulá “Embracing opportunities in the Airport Business” i lo trata tópiko nan riba tereno di Safety, Security i Facilitation. E kumbre lo tuma lugá for di 17 di mei 2015 te ku 20 di mei 2015 na Marriott Hotel Curaçao i pa e anochi di apertura lo tin un aktividat na Landhuis Chobolobo. Komo orador na e kumbre aki, IASC a invitá diferente orador internashonal di organisashon klave den aviashon manera e.o. Sr. Ricardo Delgado di ICAO, Sra. Leticia Monteagudo di IATA, Sr. David Gamper di ACI, Sr. Rod Smith di Hartsfiels Jackson Atlanta International Airport, Sr. Kevin Crowley di Jetblue Airways Corporation, Sr. Jorge Ramirez di SITA, Sr. Bob van Asselt consultant di Hulanda, Sr. Jurgen Benchop, direktor operashonal di Aeropuerto Reina Beatrix i Sr. Micheal Nicolaas Direktor general di Bonaire Internashonal Airport. Di Kòrsou IASC a invitá komo orador Sr. Ralph Blanchard, direktor di Curaçao Airport Partners, Sr. Lionel Beckles manager di operashon na Curaçao Airport Partners i Sr. Edward Heerenveen direktor di asuntu nan general i internashonal na Insel Air. E kumbre aki ta dirigí riba tur profeshonal den avaiashon i espesialmente esnan ku kier sa informashon aktual riba e tereno di safety, security i facilitation. E preis pa partisipá na e evento aki ta $300,- pa persona kual ta inkluí tur kos. Na final di e kumbre, riba dia 20 di mei for di 19:00 pa 21:00 lo tin oportunidat pa tur partisipante topa ku otro i interkambia pensamentu na un aktividat sosial riba Matheywerf. Un danki speshal ta bai na Curaçao Aiport Partners ku ta e patrosinadó prinsipal di e evento aki. Pa mas informashon tokante e seminario aki por tuma kontakto na number di telefon 839-1168 durante ora di ofisina òf por yama tambe na 516-8047 òf 523-5022, bishitá nos websait www.iascgroup.com i tambe por manda un e mail na info@iascgroup.com òf por djòin nos fanpage riba facebook.