Willemstad – Interport Curacao a sera un areglo di penshun ku ENNIA pa su empleadonan i ku esaki ta inverti den futuro di su personal.

Desde promé di dezèmber 2016 Interport tá ofresé tur su empleadonan un areglo di penshun kolektivo di ENNIA. “Nos ta haña hopi importante pa kompanianan ofresé nan empleadonan un penshun’, sigun stations manager Frans van Willigen. “Nos ta spera ku hopi kompania den nos sektor ta sigui nos ehèmpel.”

Interport ta un kompania hóben, spesialisá den logístika pa hiba i trese merkansia  pa Islanan ABC i wardamentu (temporal) di merkansia. E kompania tin 10 empleado fiho den servisio. “Un areglo di penshun kolektivo ta ofresé kondishonnan bentahoso i koberturanan mas amplio ku ta kumbiní nos empleadonan,” Frans van Willigen ta konta. “Nos a skohe pa sigurá e penshunnan na ENNIA, ya ku nan ta ofresé nos un produkto flèksibel i trabou na midí pa nos organishon.”

ENNIA ta orguyoso di e konstrukshon na midí pa Interport Curacao i ta felisitá nan ku e areglo di penshun kolektivo fleksibel akí.