For di Djadumingu 9 di mart, diferente kliente di TDS ta eksperensiando interupshon di señal ku sierto kanalnan. E kanalnan aki sea ta pèrdè imágen òf ta bai riba “NO ACCESS” òf “SCRAMBLED CHANNEL”. Ayera djaluna 10 di mart, e interupshon di señal aki a bira aun mas fuerte, inkluyendo e kanalnan di HBO i tambe e pakete nobo di SPORT “SPORT MAX”. Mesora TDS su téknikonan a verifiká na TDS mes pa chèk wak si kisas tin un problema, dor di hasi diferente TEST, kual a sali NEGATIVO. Lokual si a sali for di e TESTNAN aki ta, ku klaramente tin un señal ta interferí ku esun di TDS, kual ta e kousa di e interupshon aki den imágennan na kas di mayoria kliente. No opstante ku e interupshon okashoná pa interferensia di señal aki no ta okashoná dor di TDS, tòg TDS ta pidi su diskulpa pa e inkonbeniensia aki i ta informá ku e ta trahando ku e outoridatnan konserní aki na Kòrsou, pa verifiká kiko ta kousando e interferensia aki. TDS lo mantené su klientenan debidamente informá tokante e interupshon aki. Un biaha mas, TDS ta diskulpá pa e inkonbeniensia aki.