Kambia numbernan di Fungo ku otro pa mihó oportunidat pa gana

WILLEMSTAD – A base di tantísimo petishon Fun Miles ta organisá e próksimo simannan vários ‘Swap Days’. Esakinan ta dianan di interkambio pa hendenan ku ta partisipá na e kampaña di  fin di aña di Fungo! Durante di e felis enkuentronan aki personanan ku ta partisipando na Fungo por kambia numbernan di bingo ku otro personanan òf por hasi interkambio ku e Fun Team. Asina ku un tiki suerte nan por haña e numbernan eksakto ku nan mester pa gana un premio di ‘Lucky Shape’ òf pa yena sufisiente karchi di bingo pa partisipá pa e premio mayó ku ta un Suzuki Celerio i un total di 750.000 Fun Miles! E siguiente enkuentro pa interkambiá ta tuma lugá djabièrnè awor 6 di desèmber di 6’or pa 9’or di anochi na Kooyman MegaStore durante su Christmas Shopping Night.

Fungo Swap Days:

Djabièrnè 6 desèmber                6’or – 9’or         Kooyman MegaStore Shopping Night

Djasabra 7 desèmber                9’or – 1’or         Kooyman MegaStore

Djasabra  14 desèmber             2’or – 6’or         Kooyman Sta. Maria

Djabièrnè 20 desèmber             5’or – 8’or         Fun Miles na Dominguito

Djasabra  21 desèmber             9’or – 1’or         Kooyman MegaStore

Numbernan di Fungo: kon e ta funshoná atrobe?

Esun ku hasi un kompra na un di e establesimentunan partisipante i swaip su karchi di Fun Miles ta haña un òf mas karchi di Fungo. Esakinan por tin un premio instantáneo pero tambe tin bala nan di bingo ku un number di drùk òf e logo riba dje. Por plak esakinan riba e formulario di Fungo. Esaki ta e formulario di bingo ku ta nesesario pa por partisipá pa e premionan di ‘Lucky Shapes’ i e premionan mayó. E premionan ‘Lucky Shapes’ ta formanan spesífiko ku e partisipantenan tin ku traha promé. Esnan ku no logra pa traha un Lucky Shape ta sigui den kontienda. Tur formulario di Fungo ku un mínimo di 15 bala di bingo di plak korektamente riba dje por partisipá na e rifa di e premionan mayó. Ta opvio ku hopi hungadó di Fungo ta en buska di e numbernan ku nan falta. Pa esaki e dianan pa interkambia (SWAP DAYS) ta e solushon ideal. Fun Miles ta hasi un yamada na partisipantenan di Fungo pa bini den un ambiente ameno na e lugánan, riba dianan i durante e oranan menshoná mas ariba, ku tur nan tickets i formularionan di Fungo.

Kampaña ta un éksito rotundo

E kampaña di Fungo tabata un éksito rotundo den 2009 i e aña aki tambe e tin tur hende den su gara. Ya kaba míles di hende a bai tuma nan premionan instantáneo i ta buskando manera loko e numbernan ku nan falta via por ehèmpel Facebook i Whatsapp. Ya a reklamá e promé premionan di ‘Lucky Shape’ tambe. Señora van Zadelhoff a gana un Smart TV di WIMCO, señora Rouselle Koeiman un bòn di gasolin di ASOGAS i señora Eumaira Vinck Coy Teran un presioso tablèt di UTS. Fun Miles ta yama nan tur masha pabien.

Pa mas informashon tokante Fun Miles?

Tuma kontakto ku servisio di kliente riba 465 3300 òf bishita nos riba funmiles.net òf facebook.com/funmiles