WILLEMSTAD.- Kòrsou lo ta anfitrion pa e konsierto mas grandi di R&B i Hip Hop den Karibe 26 di Novèmber próksimo. Artistanan di taya mundial a keda kontratá pa e konsierto aki ku lo tuma lugá den ‘Stadion Ergilio Hato’ na Sentro Deportivo Kòrsou. Ayera tardi e organisashon ‘Color Events’ a publiká e ‘set up plan’ di kon nan tin plania pa bai kombertí e stadion den un sentro pa konsierto ku lo inkluí tur loke ta nesesario pa abo komo bishitante disfrutá no solamente ku e presentashon di e artistanan pero tambe brinda kada bishitante e servisio ku nan meresé.

SEKSHON GENERAL

Manera bo por mira riba e ‘plan’ e sekshon general lo ta ubiká den e tribuna prinsipal dje stadion. Pa e sekshon aki lo tin un entrada spesial i lo bo por sinta kaminda bo ke.

SEKSHON PREMIUM

E sekshon ‘premium’ lo ta riba e vèlt ku e oportunidat di yega te dilanti di stage kaminda lo bo por atmirá bo artista preferí di aserka. Naturalmente si bo drenta tempran bo ta garantisá bo lugá preferí. Esun ku tei promé ta bebe awa limpi.

SEKSHON VIP

Den e sekshon aki bo mesa ta reserva. Bo por yega e konsierto na e ora ku bo ke i lo bo tin lugá di parker priva i entrada priva pa stadion. Kada mesa lo tin 2 karchi parker, baño priva, bista riba stage for di un sekshon elevá, 2 bòter di bibida inkluí i servisio di bòter adishonal, meskos ku lo tin un weiter dediká pa un kantidat limitá di mesa.

SEKSHON VIP +

Den e sekshon aki bo mesa ta reserva. Bo por yega e konsierto na e ora ku bo ke i lo bo tin lugá di parker priva i entrada priva pa stadion. Kada mesa lo tin 3 karchi parker, baño priva i e mihó bista riba stage. Lo bo disfrutá di un ‘premium bar’ ilimitá ku servisio di weiter dediká pa un kantidat limitá di mesa. Djasabra 26 di novèmber tei bira un anochi úniko na momentu ku ‘Summerfall Concert’ tuma lugá den Stadion Ergilio Hato ku presentashon di artistanan manera: Lil Wayne, Rick Ross, Meek Mill, French Montana, Fat Joe, Yo Gotti, August Alsina, Jeremih i ku Big Tigger komo e MC di anochi. Manera ta konosí karchinan pa sekshon di VIP+ i VIP ta ‘sold out’ i karchinan pa sekshon Premium i sekshon General ta optenibel na Mensing’s Caminada, 24 uur uit de muur, Beep Beep i na ofisina prinsipal di Digicel.