WILLEMSTAD- Miembronan di Direktiva di e dos timnan di Volibòl di Refineria Isla i Maduro & Curiel’s Bank a uni forsa i organisá un turneo di Vòlibol entre kompanianan lokal “INTER-COMPANY VOLLEY TOURNAMENT”. E meta prinsipal di e turneo aki ta pa yuda konsientisá empleadonan di kompanianan lokal pa nan kuminsá move i hasi deporte, espesialmente Volibòl. Aparte di esaki, turneonan komersial semper ta yuda krea lasonan di Amistat. “INTER-COMPANY VOLLEY TOURNAMENT” ta start djabièrnè 3 di òktober di 8or di anochi pa 11or di anochi i ta kontinuá djasabra 4 di òktober di 1or di mèrdia te 9or di anochi i ta terminá djadumingu 5 di òktober di 10or di mainta pa 6or di atardi. Weganan semifinal i final lo tuma lugá djadumingu 5 di òktober kuminsando pa mitar di 1 di mèrdia. Tur wega lo tuma lugá na Sala di Rust & Burgh. Un total di 8 kompania lo kompetí kontra otro den dos diferente kategoriá den “ INTER-COMPANY VOLLEY TOURNAMENT”: Pul Sosial : (Kombinashon femenino i maskulino) : MCB 1 – Kooyman – ADC 1 – SBAB – ISLA 1 – CPA/KTK 1 Pul Challenger : (Kombinashon femenino i maskulino) : MCB 2 – Aqualectra – ADC 2 – Onderwijs – ISLA 2 – CPA/ KTK. Entrada ta grátis i tur fanátiko di e kompanianan partisipante, kompanianan ku no ta partisipá i fanátikonan di vòlibol i di deporte general ta bon biní na Rust & Burgh riba e fechanan ariba menshoná pa disfrutá di bon wega di vòlibol i di un ambiente deportivo.
INTER-COMPANY VOLLEY TOURNAMENT 2014 3, 4 i 5 di òktober na Rust & Burgh Organisá pa timnan di vòlibol di MCB i Refineria ISLA
