Willemstad- Mei – 2014: Djasabra awó dia 24 di Mei Subway ta duna oportunidat di inskribí pa e promé edishon di Curaçao Color Walk 2014. Esaki ta tuma lugá na e terasa di Subway Brionplein entre 10’or di mainta i 1or di mèrdia. Manera ku ya kaba ta konosí, djadumingu dia 1 di yüni próksimo lo tuma lugá e promé Curaçao Color Walk 2014. E kaminata aki ta primintí di bira hopi eksitoso, e partisipantenan lo kuminsá e kaminata ku un T-shirt blanku kual na final lo ta di fèrf ku vários kolo briante ku e partisipante lo rekohé riba ruta bishitando e stashonnan di koló (color station). Subway lo ta patrosinadó di e color station oraño durante e kaminata aki, suprayando nan kampaña nobo ‘WOW’. E oferta ‘WOW’ di Subway ta konsistí di un delisioso Oven Roast Chicken Sandwich pa solamente Naf. 5.50- e reakshon pa loke ta e super oferta di Subway ta fenomenal, di akuerdo ku representantenan di restorant.”Nos ta purba semper di motivá klientenan pa mantené un bon kondishon físiko, e kaminata aki- ta ideal. Ademas di esaki e ‘Color Walk’ ta un evento ku mundialmente ta keda organisá, próksimamente na Kòrsou tambe”. Kostonan pa e kaminata lo ta Naf. 10.00 pa mucha i Naf. 20.00 pa adulto. E dia ta kuminsá 6:30AM ku un ‘warm-up’ na Brionplein, siguí pa inisio di e kaminata 7:00AM i ta finalisá 8:15AM ku un ‘cool down’. Durante di e mainta Subway lo malkriá tur partisipante ku un snack salú. Subway ta invitabo pa forma parti di e promé edishon di Curaçao Color Walk 2014.