Kompetensia di BBQ a bira un trènt mundial. Diferente pais ta organisá kompetensia di BBQ den kual partisipantenan ta kompetí kontra di otro pa gana e título di Rei di BBQ. E fenómeno aki ta asina popular te ku tin programa di televishon dediká na e kompetensianan aki. Nos kultura tambe ta bon konosí ku BBQ. Hasimentu di aña, Karnaval òf un simpel djasabra ta un oportunidat pa nos hala para tras di grill i benta algun karni.

Pues mirando ku nos pueblo gusta grill, Kooyman ta organisá e promé The Ultimate BBQ Cook-off segun reglanan ofisial di kompetensia di BBQ dia 12 di mart próksimo. Tur hende por inskribí pa partisipá na e evento aki kompletamente grátis. Lo tin 3 ròndu den kual 15 partisipante pa ròndu (45 total) ta haña chèns di demostrá nan talento tras di grill. E kompetensia aki ta habri pa tur hende ku ta gusta grill por bin demostrá nan abilidat, bo no mester ta un eksperto òf un kokí profeshonal. Nos ta enkurashá tur hende pa partisipá i bin ku nan famia i konosínan pa apoyá nan e dia aki. Kooyman lo sòru pa karni, BBQ, sous i speserei pa prepará karni. Partisipantenan por bin ku un ayudante i meter trese únikamente material pa grill manera fòrki, planki pa kòrta karni etc.

Promé premio ta un Weber Gas Genesis E330 BBQ i Naf 1500 kèsh. Di dos premio ta un Weber Gas Spirit E 320 BBQ i un Naf 500 kooyman gift card. Di tres premio ta un Weber Perform Premium 22” BBQ i Naf 250 Kooyman gift card. Mas ku klaro lo tin un trofeo pa e ganador pa e por broma kuné te e siguiente kompetensia.

Banda di e kompetensia lo tin entertainment pa famia kompleto, lo tin un kids corner i tambe otro aktividatnan pa hende grandi ku kual por gana premionan fabuloso manera un weekend stay na Hilton.

Por inskribí te ku 26 di febrüari 2016 via www.kooymanbv.com kaminda tambe bo ta haña informashon tokante e reglanan di kompetensia. Pasa den kandela i titulá Kooyman Grill Master 2016!