WILLEMSTAD —  Djabièrnè awor dia 15 di mei,  ta e último dia pa entrega e formulario di inskripshon pa partisipá na  Festival Un Kanto pa Kòrsou 2015. Manera ta konosí, dia 14 di yüni awor, Kòrsou lo bai konosé  n a Brakkeput mei mei e di 8 edishon di Un Kanto pa Kòrsou.

Siman pasa e komishon organisadó enkabesá pa Manfred “Feko” Gomes a tene un konferensha di prensa, kaminda a duna tur informashon relashoná ku e evento aki, ku tur aña di nobo a bin ta krese.

Un festival ku a kuminsá chikitu den Curaçao Festival Center, a bin ta krese na interes i asina e aña aki pa di 8 aña sigui, dia 14 di yüni awor nos lo haña e Festival aki, kaminda kantantenan lokal lo kanta kansionnan lo papia di grandesa di Kòrsou.

Pa tur hende ku ta interesá pa haña mas informashon di Festival Un kanto pa Kòrsou 2015, mester bai riba e fan page di Un Kanto pa Kòrsou riba facebook, pa asina ei tuma nota di esaki.

E inskripshon a habri for di siman pasa i e lo sera djabièrnè awor. Por buska formulario na Curaçao Festival Center o na Servisio di Kultura i Edukashon na Scharlooweg  durante oranan di ofisina. Un kanto pa Kòrsou 2015 ta bai bira grandi. Pa mas informashon por yama Curacao Festival Center na 737-6368.