Manera ya ta konosí, Coridja Stars Productions a keda enkargá ku sertámen di Miss Kòrsou 2016 i 2017. Pa e último tres añanan Coridja Stars a organisá e mágno evento di beyesa aki ku hopi éksito i tur  hende ahinda ta kòrda kon nos Kanisha Sluis a logra klasifiká den e kuadro di e dies muhenen di mas bunita di Universo.

Temporada nobo pa skohe un Miss Kòrsou nobo ta bai kuminsá. Inskripshon ya a habri i ta sera djaweps 23 di yüni 2016.  Pa por partisipá na e sertámen aki nos ta buska damitanan ku ta kumpli ku e sigiuente karakterístikanan: nashonalidat ulandés, bibá na Kòrsou, entre 18 pa 26 aña, kumplí promé ku promé di febrüari 2016, estatura mínimo di 1.60, bon postura di kurpa, personalidat, bon abilidat komunikativo, disipliná, konfidente, sigur di bo mes, elegante i ku karisma ? Awèl Abo por ta e próksimo

Miss Kòrsou ku lo representá nos den e sertámen di Miss Universe. Por inskribí via di mail : misscuracao@live.com òf via di nos facebook page coridja stars productions.

Pa mas informashon por yama Coridja Stars Productions na 4613352 òf 5127341

Beyesa….. muchu mas di loke bista por alkansá !