Willemstad- Inskripshon a habri  pa partisipá na nos Plan di fakansi 2018. E aña ’ki nos ta bolbe organisá nos plan di fakansi ku tur aña ta un éksito rotundo ku partisipashon di mas o ménos 100 mucha. E aña ‘ki nos ta kumpli 12 aña.

 

E aña  aki e tema ta :

“Nos Patrimonio i su Historia “

 

For di 16 yüli 2018 te 27 yüli 2018 e mucha lo siña eksplorá, eksperensiá i asina e ta siña duna balor i siña mas di nos tera, laman i aire . E aktividatnan aki den fakansi ta pa muchanan di  Montaña i bisindario. E mucha lo pasa dianan  hopi interesante; e ta traha obra di man; tin dia di deporte. Lo tin charlanan hopi interesante i e lo konosé i diskubrí diferente parti di Kòrsou. Asina e mucha lo balorá i respetá loke nos isla ta ofresé; lo tin tambe  un dia di siña kushiná, traha pasaboka i hopi mas.

 

Kon pa partisipá

Si e yu tin edat di 5 pa 15 aña e por partisipá. Djis pasa yena e formulario ku firma di e mayor responsabel pa e mucha.

Último di pa entregá formulario yená korekto ta 16 di yüni 2018 despues di e dia ei nos no ta tuma mas mucha. Kòrda nos kantidat ta te 100 mucha, i tur aña tin mucha ta keda afó.

Tambe bo por haña e formulario na Sentro mes. Kada kontribushon mester ta pagá promé ku 5 yüli 2018  na Sentro di Bario Montaña. Kada mucha mester bisti un T-shirt, un djins i kèts na pia.

Koló  DI T-SHIRT TA DEPENDE  DI EDAT DI E MUCHA;  POR HAÑA INFO NA SENTRO

Ki dia e plan di vakashon ta kuminsá ?

E plan di fakansi ta dura 2 siman di djaluna pa djabièrnè. E ta kuminsá dia 16 yüli i ta terminá dia 27 yüli 2018. Ora : 7.00 di mainta pa 1 or mèrdia. Lugá    : Sentro di Bario Montaña (Stakamachiweg z/n dilanti santana di Montaña)

Djasabra: 7  yüli 2018  entre 5or pa 7or atardi lo duna informashon;

 e ta obligatorio pa tur mayor.

Pa mas informashon, pregunta o sugerensia por tuma kontakto ku Sentro di Bario Montaña na Stakamahachiweg entre 9 mainta 12 ‘or mèrdia; atardi entre 5 pa 7 or anochi . Por yama di djaluna pa djabier na :  767-1600 of mail na sbmontana2014@gmail.com.  Kòrda aña pasá hopi mucha a keda afó; nos no por a tuma mas ku 100  mucha pasobra e kantidat di mucha ta limitá.