Willemstad, Korsou – Pa motibu ku tin un demanda grandi pa e destinashon nan menshona anteriormente konekta ku InselAir su red di 24 destinashon, InselAir lo subi su kantidat di buelo nan pa Paramaribo, Port-au-Prince, Kingston i
Santo Domingo.

8 buelo semanal pa Paramaribo.
InselAir ja kaba ta ofrese buelo diariamente pa Paramaribo i entrante 3 di juli lo ofrese un buelo extra saliendo for di Korsou riba djabierne. E buelo lo sali for di Curacao Airport Hato pa 20:25 i lo jega Paramaribo 23:55. E buelo lo sali pa Korsou riba djasabra pa 7:15 y lo aterisa na Korsou pa 9:00.

Buelo direkt pa Port-au-Prince: awor 3 biaha pa siman
Pa mehora e konektividat pa Port-au-Prince i tambe di Port-au-Prince riba nos red, InselAir lo añadí un buelo direkt di Korsou pa Port-au-Prince na su skedjel riba djaluna, kual lo subi e frekuensha na un total di 3 buelo pa siman. E buelo lo sali Korsou pa 09:50 i lo aterisa na Port-au-Prince pa 11:50. E buelo di regreso lo sali riba e mes un dia pa 12:50 y lo jega Korsou pa 14:50. E frekuensha adishonal aki lo kuminsa 6 di juli 2015.
Kingston: 3 buelo pa siman
Un buelo lo wordu añadí riba djarason, saliendo for di Korsou 10:10 i lo jega Kingston 11:40. E regreso lo ta riba e mes un dia pa 12:40 i lo jega Korsou pa 16:10.

2 buelo èkstra direkt pa Santo Domingo
For di 2 di juni InselAir ta ofrese 2 buelo non stop for di Korsou pa Santo Domingo riba djamars i djabierne. E buelo riba djamars ta sali 09:50 i ta jega Santo Domingo 11:40. E buelo di regreso lo sali 12:30 i lo ta bek na Korsou pa 14:20. Riba djabierne e buelo ta sali 15:20 i lo jega Santo Domingo 17:10. E buelo ta regresa Korsou 18:00 i lo jega pa 19:50.