Willemstad – 14 di yüli 2014, Djasabra ultimo 12 di yüli, e prome di tres Fokker 70 ku InselAir a atkiri for di KLM a yega Aeropuerto Internashonal Hato di Korsou. E avionnan aki lo drenta den servisio pa mas tempran dia 15 di ougustus. E dos prome avionnan lo drenta den servisio di InselAir Aruba y e di tres lo drenta den servisio di InselAir Curacao. E avionnan aki tin 80 stoel y nan por yega tur e destinashonnan ku aktualmente e MD-nan tambe ta bula. E avionnan aki ta ekipa ku un Comfort Class y nan tin e motornan ku ta konosi pa ta gasta menos kombustible y tambe ta hasi menos zonido. E Fokkernan aki a bula pa KLM City Hopper durante e ultimo añanan aki I InselAir ta konsidera nan un bon avion pa por sigi expande den nos region.  E avion ku a yega djasabra, ku registrashon PJ-JCH, a sali for di Norwich na Inglatera I a yega Korsou despues di un viaje ku a hiba nan via Iceland, Halifax I Bahamas. Akshonistanan I gerensia di InselAir ta hopi kontentu ku e avionnan aki ku ta duna un fleksibilidat enorme mientras ku e avionnan aki ta sirbi tambe pa enhobense  e flota mas tantu posibel.