Willemstad, Korsou. InselAir International B.V. a risibí e sertifikado official ‘Air Agency’ for di FAA (Federal Aviation Administration). Esaki spesífikamente ta nifika ku InselAir ta un ‘USA repair station’  oficial i ta permiti pa hasi reparashon na avionnan k uta registra na Estados Unidos. E certifikado aki a keda otorgá despues di un audit/inspekshon ekstensive dor di FAA.

Federal Aviation Administration (FAA) ta e outoridat nashonal di aviashon den Estados Unidos. Komo un agensia di e Departamentu di Transporte di Estados Unidos, e tin e outoridat pa regulá i supervisá tur aspekto di aviashon civil merikano. “Tin hopi rekerimentu kual un aerolinea tin ku kumpli kune prome ku e risibí e certifikado aki”, Ivo Oduber, Chief Maintenance Officer di InselAir ta bisa. “InselAir ya tin e certifikado Curacao CCAA, DCA di Aruba, IOSA di IATA i nos a aserka FAA pa tuma e siguiente paso pa haña un sertifikádo k uta wordu rekonose internashonalmente. Esaki ta un komplimènt pa nos tim di mantenshon ku a traha hopi duru pa logra e akontesimentu aki”, Oduber ta finalisa. InselAir a invertí signifikantemente den training, tooling & facility den e Departamentu di Mantenshon den e añanan anterior, primeramente pa por mantene su propio flota di avión ku ta kresiendo i awor ta disponibel tambe pa provee servisio di mantenshon na avionnan registra na Estados Unidos i aerolíneanan ku ta basá na Merka. Durante añanan InselAir a krea 225 kupo di trabou den e di ramo di ingenería, mantenshon i trabou di reparashon riba avión spesialisá. InselAir ta spera di krea ekstra kupo di trabou ku e certifikado, mirando ku propietarionan di otro aerolínea i aviónnan den región awor tin un “FAA Repair station” den serkanía na Korsou.