Willemstad – Djabièrnè 7 di Aprel Curaçao Airport Partners a inougurá tiendanan mas nobo na aeropuerto, kual ta Britt Shop den Check-In Hall, Aldeasa Duty Free den e Area di Yegada, i den Sala di Yegada restorant ‘Bella Italia’ i cocktail-bar ‘On the Rocks’.
Den e proyekto di ekspanshon di aeropuerto, Curaçao Airport Partners ta duna atenshon na tantu e trabounan pa hasi e terminal mas grandi, i asina oumentá e area pa e usuario di aeropuerto ku dòbel kapasidat, pero tambe ta skucha e petishonnan di e usuario pa mas diversidat i komodidat pa loke ta trata produkto i servisio ofresé na aeropuerto. CAP a re-aloká ‘Britt Shop’, e tienda di rekuerdo (souvernir) i regalo, den Check-In Hall na e area di salida, kual ta mas fásil i kómodo pa e biahero.
Tambe a kambia e alokashon di ‘Aldeasa Duty Free’ pa e konsepto di ‘Walk-Through’ i tienda mas grandi. Den e Sala di Yegada e biahero i usuario ta drenta den un ambiente kaluroso ku aroma di pizza i kòfi italiano di Bella Italia. Tambe den Sala di Yegada ta e bar ‘On the Rocks’, popular pa su cocktails gustá pa e biaheronan ku ta disfrutá di nan promé cocktail na Kòrsou sintá na aeropuerto mes. Durante e inougurashon na aeropuerto, CAP tambe a presentá pasonan dinámiko pa loke ta trata ‘advertising’ na aeropuerto, introdusiendo entre otro e pantaya enorme, spesífikamente pa video, informashon i aviso.
Riba potrètnan:
Inougurashon di ‘Britt Shop Curaçao’ ku sr. Alban Ramirez, representando Britt Shop i representando CAP ta Chief Operating Officer sr. Tobias Markert, Direktora di Business Development & Commercial Strategy sra. Melissa Maduro Sprockel i Assistant Commercial Manager sra. Cherise Hernandez. Inougurashon di ‘Aldeasa Duty Free’ ku sra. Angela Maria Sanchez representando Aldeasa Duty Free i representando CAP ta Chief Operating Officer sr. Tobias Markert, Direktora di Business Development & Commercial Strategy sra. Melissa Maduro Sprockel i Assistant Commercial Manager sra. Cherise Hernandez.
Inougurashon ‘Bella Italia’ ku sr. Aldo de Luca i sr. Aldino de Luca. Representando CAP ta Chief Operating Officer sr. Tobias Markert, Direktora di Business Development & Commercial Strategy sra. Melissa Maduro Sprockel i Assistant Commercial Manager sra. Cherise Hernandez.
Inougurashon ‘On the Rocks’ ku sr. Quincy St. Jago i sr. Jonathan Heymans. Representando CAP ta Chief Operating Officer sr. Tobias Markert, Direktora di Business Development & Commercial Strategy sra. Melissa Maduro Sprockel i Assistant Commercial Manager sra. Cherise Hernandez..
