Na okashon di 25 aniversario

WILLEMSTAD/ E kreadornan di e.o Curaçao Monopoly  ta di bishita na Kòrsou pa selebrá e di 25 aniversario di Identity Games.  Resientemente Identity Games a diseñá e wega ‘Rode Neuzen Spel’ (E wega di Nanishi Kòrá) spesialmente pa CliniClowns na Hulanda.  Un parti di loke e wega a generá ta bai bèk den e fundashon. E wega mes, ta optenibel medio yüni na Intertoys na Hulanda.  Pa inkluí CliniClowns Kòrsou den e akshon bunita aki, Identity Games ta hasi un donashon  di ANG 1,000 i tambe ta regalá e fundashon lokal un kantidat di e weganan. E donashon a keda risibí ayera dor di Marloes van Rooijen i e payaso ‘Ola’ di CliniClowns Kòrsou.  Na 2013,  Identity Games a opsekiá tur skol básiko na Kòrsou un pakete di diferente wega.