WILLEMSTAD/ Despues di un temporada fenomenal di karnaval, ICONS ta para ketu pa reflekshoná riba tur éksito i tur patrosinadó ku a kere den e banda. Un danki na Nagico Insurances ku tei pa di dos aña konsekutivo, tambe na Massive Productions, Hitz, Help’R, Audric Richardson, The Green Generator, Emergency Printing, Gautam Chandiramani, Darrel “Dejo” Louisa, All Signs, Serge Redjosentono, tur promotor, organisashon di karnaval ku a buk ICONS pa nan JumpIn, i nos gruponan Konfèti Prònkèti, I Love Hip Hop & R&B i Aloloco! ICONS ta gradisí tur ku di un òf otro manera a aportá na su éksito e temporada aki. 

E temporada aki ICONS a bolbe supstansiá su lema ‘Good Vibes Only’, esaki a keda konfirmá den tur marcha di karnaval. For di Festival di Tumba i tur Jump In ku a sigui, fanatikonan por a eksperensiá e energia ku e banda a bin ta profilá kuné. Esaki a keda kompartí durante tur presentashon. Tumbanan manera Histeria…..‘Abracadabra’ di Amos Balentin, Koba Sak’afó di Ike Jesurun i ‘Mi Intuishon’ Djuric Virginie a zona henter temporada ku fervor i den tur JumpIn e roadfirenan klásiko ‘Habri’afo’…‘Ola’, i den 2020 e ‘Warwarú’ di Hunneley Felicia a sá di pone públiko aribabou! E banda a ta gradisí su fanatikonan pa a hasi ‘Mi Intuishon’ un di e tumbanan mas zoná den ruta di karnaval i esaki ta un satisfakshon enorme. “Karnaval ta un fiesta di pueblo i ICONS ta un banda pa pueblo; danki na tur fanátiko ku a biba ku nos e temporada aki.” Follow the good vibes i sigui ICONS riba Facebook/Instagram @iconscuracao Felis karnaval!