WILLEMSTAD/  Fin di siman tra’i lomba ICONS a sostené e akshon boluntario CURADOET dor di pone mikrófono i tur instrumènt un banda i lora manga di kamisa i fèrf lokalnan di Juan Pablo Duarte VSBO. Tur integrante a duna di nan parti for di kantante prinsipal te na tékniko i kargadó di spiker.  Pa ICONS hasi trabounan boluntario no ta nada straño, e banda ta inkorporá su responsabilidatnan sosial den su agènda, pa duna bèk na su fanátikonan i na komunidat di Kòrsou.  Naturalmente e trabounan a kana den bon ambiente, te asta ku un poko tumba i roadfire pa duna ánimo na esnan ku tabata trahando riba algun proyekto durante CURADOET. Por mira mas video i fotos riba e página di Facebook di ICONS.