Tur aña e Dia Mundial di Diabetes ta riba 14 di november y en conexion cu esaki IBiSA conhuntamente cu Plataforma Promocion di Salud ta organisa un supermarket tour y un caminata cu tin como meta pa informa y duna guia na e diabetico con pa cumpra mas saludabel den supermercado y ofrece e oportunidad pa haci actividad fisico. Si bo mes of un familiar ta diabetico (sucu, sucu den sanger, malesa di sucu), ta exigi pa bo haci un cambio den bo sistema di biba. Mester come mas saludabel y mester haci mas actividad fisico. No ta facil pa un persona cu ta diabetico, saca’fo cua alimento/producto ta bon y cua ta menos bon pa cumpra. Pensando riba e situacion aki, IBiSA y Plataforma Promocion di Salud ta brinda e oportunidad pa haya sa mas di con pa haci escohencianan mas saludabel ora ta cumpra den supermercado. Profesionalnan den salud, entre nan nutricionista y dietista di IBiSA, Departmento di Salud Publico (DESPA), Instituto Medico San Nicolas (IMSAN) y Hospitaal ta presente durante e siman di 9 pa 13 di november 2015 na diferente supermercado pa comparti nan conocemento y contesta preguntanan tocante alimentacion y diabetes. E supermarket tour ta dura entre 30 pa 45 minuut y ta COMPLETAMENTE GRATIS.

Aki ta sigui e guia di e ‘Supermarket Tour’:

Supermercado:                                   Fecha:                         Mainta:                       Atardi:

Save-A-Lot San Nicolas                      9 november                  10’or – 12’or               5’or – 7’or

Super Food Noord                             10 november                  10’or – 12’or               5’or – 7’or

S Chow Savaneta                                11 november                  10’or – 12’or               5’or – 7’or

Ling & Sons Eagle                              12 november                  10’or – 12’or               5’or – 7’or

New Food Center San Nicolas         13 november                    10’or – 12’or               5’or – 7’or

Si bo ta interesa pa participa na un di e tournan aki, bo por reserva bo lugar yamando na IBiSA telefoon 582 4987 of via email: ibisa.aruba@gmail.com . Cupo ta limita, pa cual ta haci un peticion pa yama y sigura bo lugar.

Caminata “Bida ta dushi”:

E caminata ta tuma lugar diasabra dia 14 di november 2015 y ta sali exactamente pa 6:30 di mainta. Salida y yegada ta na Compleho Deportivo Libertador Betico Croes na Sta. Cruz y e ruta ta cubri un distancia di 6Km. Participacion na e caminata ta COMPLETAMENTE GRATIS. No mester inscribi pa participa, djis yega trempan! Bin cu bo T-Shirt blauw y participa hunto cu nos. E invitacion cordial ta pa participa na tur dos actividad y asina contribui y engrandece e conmemoracion di Dia Mundial di Diabetes.