Djaweps ultimo, e empresa IBCTC B.V. a organisá un evento spesial pa yama danki. Probechando ku ta ‘Thanksgiving Day’ a organisá un evento riba e dia aki i invitá tur ku di un òf otro manera ta duna nan aporte na e empresa. E evento a tuma lugá riba e patio na Saliña Galleries kaminda den un atardi bai kue anochi sumamente plasentero invitadonan por a nètwèrk, kome i bebe algu. Durante di e evento Sra. Raycine Decaster‐Godfried, direktor di e empresa a hiba palabra kaminda ela duna di konosé na invitadonan ku awe ta un bon dia pa nos para ketu i reflehá kuantu kos nos por i mester ta gradesido p’e.

Mirando un ekonomia asina difisil ku nos ta enkontrando i ku ainda nos ku ta aki por tin nos negoshi ku duna nos nos pan di kada dia i ku nos mester ta gradesido pa esei. Tambe ela ekspresá gratitut na tur su klientenan enfatisándo ku nan tabatin eskoho i nan a skohe IBCTC i a yama danki pa e konfiansa. Ela yama danki na tur esnan ku ta traha huntu ku nan direktamente òf indirekto paso ta komo un tim so bo por logra kosnan grandi. Mas aleu durante e anochi komo muestra di gratitut IBCTC a duna su invitadonan e honor di ta e promenan ku ta mira nan website nobo i a lansa www.ibc‐tc.com kual durante lunanan tras di lomba un tim dinamiko a traha riba dje ku hopi entusiasmo i dedikashon.

Na final a ‘proost’ pa tur presente, pa IBCTC i nan website nobo. IBCTC ta para pa International Business Consulting and Training Center i ta ofrese servisio na esnan ku ke bai kuminsá nan propio negoshi, servisio di atministrashon i tambe di belasting. Por tuma kontakto ku IBCTC B.V. na 465‐6665, email info@ibc‐tc.com of bishita nan website www.ibc‐tc.com.