Djasabra awó den PWFC multi-functional center

Willemstad: Despues di un presentashon na prensa eksitoso djadumingu ultimo, International Beauty & Fashion Foundation (I.B.F.F.) ta kla pa presentá pueblo di Kòrsou otro espektakulo di beyesa pa loke ta trata e sertamen di Miss Curaçao Teenager 2020.

Riba e anochi di Gala of Beauty, djasabra awó 3 di òktober, un kuerpo di hurado selekshoná lo skohe den e 8 beyesanan ken ta esun ku e mihó kabei, sonrisa, kara, kutis, pia, body, look di modelo i personalidat. E show lo konta ku presentashon di Vision by Ludwig ku ta enkargá ku e parti di opening i Scarlet Zalm de Groot ku pa 17 aña lo ta e maestro di seremonia. Tur esaki lo ta keda transmití bibu i direkto for di 6or di atardi pa e kanal #1 di beyesa na Kòrsou, Televishon Direct kanal 13.

Teniendo kuenta ku e protokòl di higiena stipulá pa Gobiernu di Kòrsou, PWFC multi-functional center un biaha mas lo ta esenario pa un show tur afó ku I.B.F.F. i su direktora Ayanette Statia ta trahando duru riba dje konhuntamente ku e 8 beyesanan di momento: Rigene Isenia, Daïsha Jansen, Liyanne Hoevertsz, Danila Magdalena, Cyara Bazoer, Nàtania Dolorita, Marlen Ignacio i Chelsea Valies.

Danki di kurason na kada un di nos spònsernan ku ta hasiendo e temporada di Miss Curaçao Teenager 2020 unu eksitoso, Revlon, Cspirit, Leo sound and lighting, Nestor Zavarce, Chilbert Catering, Krus Kòrá Kòrsou, Geonella Sandries, Inspiracion Curacao, Ruchandry Straker, LAPD Curacao, Les Cheveux, Obelysque, Charms Accessories Curaçao, Royal Rentals, Tv Direct kanal 13, Skin Beauty Center Curaçao, Prime Restaurant i SH social media.