MISS CURAÇAO TEENAGER 2020

Willemstad – International Beauty & Fashion Foundation, mihó konosí komo I.B.F.F., ta kla pa presentá e 8 partisipantenan, Chelsea Valies, Cyara bazoer, Daïsha Jansen, Danila Magdalena, Liyanne Hoevertsz, Marlen Ignacio, Natania Dolorita i Rigène Isenia ku ta kompetí pa e titulo di Miss Curaçao teenager 2020.

E temporada a kuminsá ofisialmente kuminsamentu di ougustus i lo kulminá den luna di novèmber ku e tema , ‘1001 nights in Saudia Arabia’.

E 8 beyesanan a kuminsá risibí diferente charla serka profeshonalnan den nos komunidat i tambe pasarela ku ta na enkargo di eks Miss Curaçao Teenager. Tin un programa edukashonal prepará pa e temporada, pa asina no konsentrá unikamente riba e beyesa eksterno, pero tambe un formashon sosial i personal di kada partisipante.

Djadumingo, 30 di ougustus 2020, I.B.F.F. ta organisá e promé presentashon ofisial na publiko den sala prinsipal na PWFC kaminda, kada partisipante lo skohe nan numerashon ofisial den e sertamen i tambe prensa lo saka e promé premio di e sertamen, kual ta “Miss Press 2020”. E presentashon aki ta kuminsá 3’or di atardi i pueblo di Kòrsou ta keda invitá pa bin apoyá i sostené e 8 beyesanan. Karchi ta na balor di 25,- florin i ta optenibel serka tur partisipante.