Nos ta kontentu di por aportá na Kòrsou su industria turístiko

Willemstad- Desèmber -2013; Tabata djadumingu último ku e maskotanan di e restorantnan KFC, Pizza Hut i Subway a partisipá na e ‘CTB Mini Parade’ ku a tuma lugar den kayanan di Pietermaai. “Nos a haña e idea genial, di parti di Ofisina di Turismo Kòrsou pa kombiná un tiki di Kòrsou su marcha di karnaval i marcha di seú, den un solo desfile i ‘showcase’ esaki na bishitantenan di eksterior’. Nos ta kontentu di por aportá na industria turístiko di Kòrsou”, esaki di akuerdo ku Sr. Randy Maurera. Hucor Holding no a basilá pa bai di akuerdo i laga e popular maskotanan, Subway su Subman, KFC su Chicky i Pizza Hut su Pizza Man partisipá na e marcha dediká na un grupo di prensa i trahadónan di agensianan di biahe Aleman, ku ta di bishita na Kòrsou te ku 4 di Desèmber próksimo.  E marcha di karnaval kombiná  ku seú a kuminsá na Avila Beach Hotèl i tèrminá na Sunscape Hotel. “Nos ta felisitá CTB ku su eksitoso ‘Mini Karnaval i Seú Parade’ i ta sigur ku e bishitantenan Aleman ta bai nan pais bèk ku grato rekuerdo i un bunita impreshon di nos dushi isla.”