E úniko programa radial na Kòrsou ku ta dirigí riba e merkado komersial i ademas e úniko programa di empresario pa empresario ‘Hoyer in Business’, ta bèk pa deleitá públiko tur djaweps atardi na Radio Hoyer 1, 101.9 FM.

E siman aki ekspertonan den komunikashon i alabes empresario Clifton Walle MBA i drs. Jefka Martina ta risibí for di Restaurant Deja Vu den Pietermaai; Den Adrei – Jeritsa Ignesia di Curacao Afro Productions, Den Sala – Ademar Arnoldus di Wizard Caribbean, Den Balkon – Cristy-Ann Rojer di Sauc’é Curacao Bar, Riba Stupi – Elton Villareal di Development Simulation Summit
Den e espasio aki di un ora i mei, komersiantenan mediano i chikí ta haña oportunidat pa komuniká nan eksperensia, konseptonan inovativo òf konosementu spesífiko. Algun tópiko ku ta keda tratá ta riesgonan di maneho, kon manehá bo negoshi mihó, ekselensia den negoshi , ‘training & coaching’, ‘teambuilding’, ‘cross media marketing’, maneho di kapital, inteligensia emoshonal, tepnan fiskal pa empresarionan, mehoramentu di klima di invershon pero tambe e desaroyo ku Kòrsou mester eksperenshá pa bira un bon sitio di establesimentu pa kompanianan lokal i di eksterior. Lokual ta nobo den Hoyer in Business e temporada aki, ta temanan relatá ku kambionan ku empresarionan por hasi pa transformá nan empresa den unu mas “bèrdè” i sostenibel.

Ku su formato úniko lo transmití Hoyer in Business ‘live’ tur djaweps di 16:30 pa 18:00 or’ for di Restaurant Déjà Vu den Pietermaai.
Sintonisá na 101.9 FM, Radio Hoyer 1, E Solo di Pueblo, pasó ‘Hoyer in Business’ ta … Pa Bo! Patrosiná pa: MCB Curaçao, FactorPlus, Ministerio di Desaroyo Ekonómiko i Deja Vu