Klientenan di TDS ku ya a solisitá nan pakete di Pay Per View pa Festival di Tumba 2015, a keda gratamente sorprendí ora ku djaluna mainta a kuminsá pasa Festivalnan di Tumba di añanan 1975 bin ariba. Roxy, Zeelandia, SUBT, SDK tur tantu na pretu ku blanku komo na koló den su formato original. Ken no ta kòrdá kon Rene Samson a gana ku su Antifas di Buriku den 1977 òf 1976 ora Defuntu Edwin Thomasa a gana ku Hak’e? Wèl tur esakinan bo por gosa di nan dushi asina e siman kompleto aki riba kanal 81 di TDS. Hermanito tambe a traha un programa spesial titulá: Gigantenan den Tumba, ku ta un programa eksklusivo traha pa Kanal 81 di TDS i lo NO pasa ningun otro kaminda. E programa aki tambe lo estrená den e siman bispu di Festival di Tumba 2015 aki. Pues ainda mas motibu pa bo solisitá bo Pay Per View mesora, paso bo no kier pèrdè e Festival di Tumbanan aki, ni e programa kaminda hopi sekreto lo divulgá ku nunka ántes a bini dilanti. No laga pa ningun hende bin kontabu, paso despues di djadumingu 25 di yanüari 2015, bo lo mester warda te 2016 pa e repitishon. No pèrdè e chèns úniko aki kaminda músikonan tei papia kosnan ku nunka ántes a wòrdu divulgá den Gigantenan den Tumba. solisitá bo Pakete di Festival di Tumba 2015 mesora. E diferente maneranan pa solisitá bo pakete di Pay Per View ta:
- yamando 9242 òf
- Mandando un SMS for di bo Chippie menshonando bo number di kuenta di TDS, Fam i e palabra “TUMBA” i mesora bo pakete lo wòrdu aktivá.
- Pasa na ofisina di TDS òf UTS
Kòrda tambe ku na ofisina di TDS bo por paga bo Festival di Tumba i tur otro pakete ku bo Fun Miles tambe. TDS un biaha mas trahando pa tur su klientenan pa entretené abo nos miembro mas i mas.