ORANJESTAD, Aruba – 24 di April 2017: Pa tres dia Garage Cordia tabata tin prijs special riba 5 auto Hybrid, pero diabierna anochi nan tabata tin e Expo. Sales Supervisor di Garage Cordia, Jacobo Winterdal, ta haya cu e actividad riba su mes a bay bon. Pa algun siman nan tabata traha riba e evento pa pone esaki hunto y durante e Expo nan a mira e fruto di esaki.

“Un anochi cu a bay excelentemente. Nos a invita e pueblo y nan a bin den un bon masa. A cera dealnan basta bon e anochi aki”, Jacobo Winterdal a remarca. Hopi hende a presenta e anochi aki y hopi a haci probecho di e deal aki. Pasobra conhuntamente cu dealnan cu e banconan tabatin riba nan mes, tambe hendenan a probecha di e bon descuento cu Garage Cordia a duna den conexion cu e deal cu e banconan.

E evento hunto cu Garnier a bay excelente, Jacobo Winterdal a remarca. Desde diaranson te cu diabierna a bay excelente, hopi hende a presenta y check nan cutis, otro a drecha nan cabey y na mes momento nan a acudi den showroom pa mira diferente auto y cera acuerdo na e bon descuento durante e evento.

Garage Cordia ta invita tur hende pa pasa cerca nan, pasobra Toyota ta keda e auto number 1. “Tin hende ta bisa ‘nos tin cu paga un tiki’ pero bo ta paga un tiki mas pero bo ta haya un miho calidad, un auto cu bo ta bay hopi mas aña cun’e. Bo ta haya menos problema cun’e y mañan cu bo kier bende, bo ta haya hopi mas pa bo placa bek”, Jacobo Winterdal a remarca. Garage Cordia ta habri di 8:00 AM pa 5:30 non stop.

Association di Garnier Caribe, Mimi Williams, a haya e evento di Earth Day di Garage Cordial uno hopi bunita y pa prome biaha e ta pasa den un evento asina, semper Garnier ta participa den un evento di Expo, beauty parlor, diferente luga. “Pero prome biaha mi a experimenta den un luga di auto”, Mimi Williams a remarca.

Mimi Williams ta haya esaki hopi bon, pasobra ta haya un tiki di cada cos. Den Caribe 70% di poblacion ta sufri di cancer, pasobra nan no ta consciente di e solo kico e ta haci cu nos cuero, cu e cutis. Y e ta hopi importante cu e evento aki a tuma luga, pasobra e ta manera un innovacion pa nan. “Siendo cu nos ta bezig pa basta aña caba pa conscientisa hende con pa cuida bo cuero. Bo cutis ta hopi importante. Ta bon pa bo riñonnan pa bebe hopi awa, minimo 8 glas di awa pa dia y abo mes por experimenta ora cu bo haci bo analisis bo keda sorprendi cu ‘mi no tabata e ta asina’, siendo cu bo cutis ta mustra super bon”, Mimi Williams a remarca.

Mimi Williams a invita tur hende cu ora nan tin un evento asina aki, pa join nan. E no ta kere cu esaki lo bay ta e ultimo evento cu nan lo tin cu Garage Cordia. “Nan a keda asina contento con hendenan a reacciona, cu nos lo ripiti e evento. Kiermen keda pendiente pe proximo y mi ta spera cu e biaha aki, aunke cu nos tabata yen, pero e biaha aki por ta hopi mas pa nos conscientisa hende pa con pa cuida bo cutis”, Mimi Williams a sigui remarca.

Garnier ta un producto super natural, nan ta go green. Si tin un hende cu tin cuero sensitivo, nan ta e producto cu mester uza. E productonan di Garnier ta traha a base di carbon, mineral, proteina, druif, arrogance oil y mucho mas. “Si bo kier bo un cutis sano y saludabel, uza Garnier. Otro biaha nos ta warda boso den un evento di Toyota, unda cu nos a celebra Eart Day, nos lo tin mas celebracion cu Toyota”, asina Mimi Williams a termina.

Aruba Bank tambe a participa na e evento di Earth Day di Garage Cordial y a contribui na e Green Wave, kiermen nan a desaroya un producto special pa autonan Hybrid. Assistent manager Sistent Service Aruba Bank Noraisa Maduro, a remarca cu nan ta dunando 6% di Buy now pay later di 6 luna, kiermen cuminsa paga despues di 6 luna.

Aruba Bank tin varios cliente cu a presenta y puntra cuanto lo sali pa cumpra un auto Hybrid. E clientenan a indica cu nan asina cu nan tin nan papelnan, nan lo bay banco y aplica, Noraisa Maduro a remarca.