ORANJESTAD, Aruba – 16 di januari 2017: Un cantidad di yate, boto y hasta canoa tabatin na Nikki Beach diadomingo ultimo pa hunto cu cerbes Chill gosa di e Aruba Boat Fest 2017. Tabatin boto cu for di diasabra caba a mara na e beach pa sigura nan puesto durante e evento. Aunke awasero a cay, asina mes e ambiente a start for di 12’or di merdia cu presentacion di Honey Pot y JEON hunto cu GoGo, NutzBeatz, Sky, Top Rankin y Yeimy. E evento a termina 7:00pm. Chill ta contento di a organisa e evento e aña aki, despues cu aña pasa nan a patrocin’e. Ta obvio cu tin un interes grandi di doñonan di boto y amantenan di lama y solo pa un evento asina.