WILLEMSTAD-Korsou por ta orguyoso ku entrante awe nos ta konta ku un Restaurant Churrascaria i klup nokturno ku un konsepto kompletamente nobo den sentro komersial Sambil.

Ta trata aki di “Holstein” Churrascaria Disco ku tin tur e ingredientenan pa ofrese abo ku ta sali pa un ratu plasentero hanja no solamente bon kuminda,pero un ambiente elegante ku bonBon trato, bon  musika i dibertishon, pasobra esei ta loke “Holstein” Churrascaria Disco ta para pe.

Hopi ta esnan ku tabata reklama ku na Korsou no tin un luga elegante kaminda bo por sali bai kome, keda baila i diberti di bon musika. Awor esaki lo no bai ta e kaso mas.

Na Holstein bo por komo a la carte den su VIP lounge parti ariba i parti abou e tin su All You Can Eat buffet na un preis super favorabel.

Aparte di ta ofrese e servisio di restaurant” Holstein” ofrese tambe entretenimento i goso estilo disko,pues bo por baila i disfruta di musika tur dia i ku servisio VIP tambe.

Holstein lo bai tin su anochinan di tema i e Karaoke lo no por falta pa esnan ku gusta sinti nan mes artista.

Mester bisa ku tur e sinku sosionan di “Holstein” ta empresarionan Venezolano  ku tin negoshi  na Venezuela, e.o negoshi di piesa di auto i restaurant i tur ta mira hopi potensial den Korsou i mas ku tur kos e motibu pakiko a skohe Korsou ta paso nan ta sinti nan mes masha kontentu di por tin un negoshi asina serka di kas, riba un isla kaminda aparte di tin un dushi klima i hopi hende dushi i amabel ta biba, praktikamente tur hende por komunika den nan idioma i tambe otro idioma mas.

Holstein ta keda na e entrada ku yama “Caracasbaai” di SAMBIL i bo por mire for di na momentu ku bo ta bini di Kolebra berde.

Algun di e miembronan ta sosio den entre otro Racing Gourmet, Island Fruits, pues komersiantenan ku ta kere i ke inverti den nos Isla.