Manera algun di nos hendenan por a tuma nota caba, e cadena Holiday Inn Resort na Aruba a inverti biyones mundialmente pa re-lanza su producto, y  esaki ta bay man den man cu lanzamento di nan logo nobo. Na Aruba nan no a keda atrás den esaki, ya cu eynan so a inverti 12 miyon di dollar pa renova full na producto cu ta proyecta di ta cla pa December 2013. Aña pasa, durante Soul Beach 2012, e medionan di kommunikashon di Korsou, a experiensia un producto di Holiday Inn Resort Aruba cu tabata falta basta mantenshon. Awor, por bisa cu e renovashon di un edifisio ta kasi kla, y mirando cu hopi prensa di Korsou tabata na Aruba pa presencia Soul Beach 2013, Gerente Regional y Local di Holiday Inn Resort Aruba, Sra. Bettina Daal a lanza un preis sumamente atractivo pa e medionan di kommunikashon di Korsou, pa asina nan por bin mira e joya di edifisio nobo y keda den e cambernan nobo. Holiday Inn Resort Aruba ta hopi contento cu loke ta pasando na e propiedad y cu ta  contribui cu crecemento di economia na Aruba, mas e tipo di proyectonan asina ta contribui cu desaroyo di e industria turistico di Aruba y ta cuadra perdectamente den e vision di Gobierno esta di mehora calidad di Producto Aruba. E renovacion di e edificio “Korsou Tower” ta prácticamente cla, mientras e resto di e propiedad ta plania pa ser termina na final di 2013. Korsou Tower ta conta cu cambernan completamente nobo, tur cos den e edificio ta wordo haci di nobo, mientras tin un pool estilo Lounge y spa completamente nobo tambe. Na mes momento lo cuminsa full speed cu e renovacion di e torennan A y B cu ta Aruba y Bonaire Tower. Sra. Bettina ta gradisi Prensa di Korsou pa tur nan sosten cu nan a sa di duna Holiday Inn Resort Aruba y sin kita afo nan localidad, escohiendo semper esaki como nan cas na Aruba. E bishita a termina pa e Prensanan presente cu un dushi Breakfast Buffet den Corals Restaurant.