Willemstad- Holiday Beach Resort and Casino tin un gerensha nobo i bou di e maneho nobo aki ku Andres Farid Patiño na kabes, tin plannan grandi pa loke ta trata futuro di e hotel aki ku a konose tempunan di gloria, pero tambe tempunan difisil. Ayera tardi, durante di un enkuentro ameno ku prensa miembronan di gerensha a konta di e plannan aki i di futuro dje hotel.

Situashon ekonomiko di Kòrsou

No ta un sekreto ku ekonomia di nos pais ta hopi stanká i sigur pa e mundu hotelero esaki no ta fasil ya ku turismo no a konose un kresementu, pero gerensia nobo apesar di esaki ke krea un ambiente familiar pa lokalnan tambe gosa di preisnan atraktivo sumamente kumbiniente i pa esei aworaki e hotel tin preisnan mas barata ku loke tabata Antillean rate.

Plannan di gerensha pa ku futuro di Hotel

Hopi ta e plannan ku e gerensha aktual tin i tantu bishitantenan dje hotel komo e públiko lokal lo tuma nota di esaki, ya komo trabounan di renobashon di kambernan i diferente area dje hotel ya a inisiámanera ya a bisa. Loke sigur ta algu great ta ku awor e hotel ta enfrente di Mega Pir nobo loke ta ofrese un bista sin igual i tambe posibilidatnan pa desaroyo den futuro. Miembronan di prensa mes ta tin e oportunidat di por a eksperenshá un ratu kantu di playa gosando dje bunita bista di dos barku krusero ku kasi kasi bo por bisa tabata stashoná riba e playa. Un eksperiensha masha great esaki tabata. Tambe pronsa ta tin oportunidat di mira un dje kabananan ku ya a keda renobá. Sumamente bunita. Tantu e Hotel mes i su kambernan, Veneto  Casino, Denny Restaurant  i diferente area mas lo haña un facelift.

Holiday Beach Resort and Casino e fin di aña aki

Pa loke ta trata restu di e aña ku a sobra i publiko lokal ta keda invitá pa bishita e hotel, ya komo lo bai tin ambiente i paketenan di estadia sumamente atraktivo pa nos hendenan lokal. Pa e wikent aki Holiday Beach Resort & Casino tin un tremendo special di Nafl 260 pa kambia pa 2 persona pa 2 anochi ku desayuno inklui ku voucher pa Denny’s i tambe Veneto Casino. Tur djabierne tur ambiente ku músika bibu den Casino i pronto V Bar lo kumisa opera bek ku musika bibu.