Digicel ta apoyá inisiativa

WILLEMSTAD, Kòrsou- Ougùstùs 2015: “Sentro di bario Montaña ta hasiendo un bon trabou ku e muchanan di e bario i besindario. Nos ta masha kontentu di por a aportá na e torneo di futsal ku tabata tin den fin di siman tras di lomba. E idea di tene muchanan okupá den nan tempu liber i asina kontribuí na nan desaroyo positivo ta fit perfektamente den nos ideologia komo kompania”, esaki di akuerdo ku direktor di Digicel Hans Lute. Den kuadro di e proyekto “Tene mucha i hóben den bario okupá na un manera sano” a organisá djasabra último un torneo pa hóben den kual tabata tin diferente kategoria e.o U-11; U-13; U-15 i U-18. Entre 9’or di mainta i 4’or di atardi hóbennan di Montaña i besindario a rekreá bou di supervishon di diferente boluntario. Digicel a pèrkurá pa tur boluntario tabata uniformá i fásil pa e hóben rekonosé durante e dia deportivo. “Nos ta kontentu di por a sostené Sentro di Bario Montaña den e inisiativa aki i ta felisitá nan pa e bunita resultado di djasabra último. Na tur hóben ku a partisipá na e torneo di futsal ta nos deseo pa nan sigui praktiká deporte i rekreá di un manera positivo despues di skol of den nan tempu liber”, di akuerdo ku Hans Lute di Digicel.