Willemstad- Ayera den oranan di mèrdia Komishon Kantadó Mayó na nòmber di direktiva di Fundashon Kultural Seú Kòrsou a inskribí partisipantenan pa Festival di  kantadó Mayó 2016. Festival di Kantadó Mayó ta tuma lugá dia 1,2,3, i 5 mart na Waf di Skarlo. Manera e organisashon mes a denomin’é sali for di kunuku bai Skarlo.

Inskripshon

E inskripshon a kuminsá ayera pa mas o ménos 14:00 i a finalisá pa 18:00 di atardi. Visepresidente di Fundashon Kultural Seú Kòrsou a mustra ku e organisashon ta aploudí e hecho ku tin hopi hóben ta partisipá. Esaki por ta prinsipio di un farmsystem kaminda mas i mas hóben ta partisipá i asina establesé un garantia ku Festival di Kantadó Mayó tin su derechi di eksistensha. Pa 6’or momentu ku e inskripshon a klousura un kantidat di 77 inskripshon a keda registrá.  Aña pasa 63 kantante a partisipá, e aña aki e 77 ku sigur ta na satisfakshon di e Komishon Kantadó Mayó.

Tayernan ta dia : Djarason : 17 febrüari 2016; Djaweps  18 febrüari 2016. Ora : 19:00 – 21:00;Lugá: Curaçao Festival Center.  Entrega di letra ta mester ta  riba un USB stick òf riba mail adrès kantado.mayo.korsou@gmail.com dia 18 di febrüari entre 18:30 te 21:00.

Komishon Kantadó Mayó