Willemstad- Djaweps 11 di mart 2021 último,  e hóben Riangelo Esclodina di apénas 22 aña a habri su propio negoshi di kèts “Korswill” kual ta situá na Kaya Jacob Posner 7, Zeelandia 7 mall, Unit 13.

Korswill ta para pa “Kòrsou lo……”. E ta un tienda nobo kaminda bo por drecha, kumpra, bende i kambia bo kèts. Korswill ta hasi kèts manera abo ta deseá.

Despues di 3 aña Riangelo por a hasi su soño realidat i manera e la menshoná ayera den su spich ku no laga bo soñonan nunka keda para un kaminda, nos tin ku kuminsá un kaminda i ora nos kuminsá dal e promé stap nos soño lo bira un realidat, sigui eksplorá i sigui bira mas grandi.

Tabata un anochi sumamente plasentero ku un kantidat grandi di públiko ku tabata tei presente pa e gran apertura di “Korswill Store”.

Ku palabranan di sr.  Giovanni Abath, nos Minister di Ekonomia, sr.  Steven Martina i bendishon di nos Pastor Curtis Meris, e portanan di Korswill a habri pa pueblo di Kòrsou kompletu pa por disfrutá di produktonan di kalidat. Korswill ta habri tur dia di djaluna pa djabièrnè for di 9’00 – 6’00 or,  pasa i tira un bista kiko tur tin pa ofresé òf subi chek nan página di Facebook i Instagram Korswill.