Willemstad – E kantika nobo nobo “Kalma E Tormenta” di Shamiro Anita den un tempu rekort ta birando un hit riba internet ku mas di 40 mil Play’s Mientras ku Shamiro ta trahando riba su álbum nobo nobo ku pronto lo debuta, ya su kantika titula ‘Kalma E Tormenta’ bayendo ku skor haltu riba internet pa loke ta e kantidat di hende ku ta skuchando e kantika aki toka riba e website https://soundcloud.com/shamiro-anita

Letranan di e kantika ta bisa: “Ora bo bida no ta progresá i e nubianan skur ta menasa, rumannan no spanta! Djis hisa bo kara na shelu, Dios lo kalma tur ola, tur bientu. Señor tin kòntròl dje tormenta. E te Dios ku ke kita bo karga. E ta kalma e tormenta, E ta kuida nos. E ta todo poderoso, E ta Dios”. Pueblo por solisitá su kantika nobo na tur radio emisora na Kòrsou. Bishita shamiro su página di facebook esta Shamiro Anita, i skucha e kantika via di e página aki. Tambe por skucha e kantika nobo aki riba e website https://soundcloud.com/shamiro-anita

Shamiro su orashon ta pa Henter Kòrsou, Aruba, Hulanda i henter mundu por keda trankil paso Dios ta kompletamente den kòntròl di tur lokual ta pasando. Pues no spanta, pero keda konfia den Dios. Di kurason, Shamiro ta spera ku mas i mas hende lo sigui wordu toka, animá i bendishona ku e kantika nobo aki.

Riba e potret por Shamiro su Klama E Tormenta ku mas di 40.000 Play’s riba internet https://soundcloud.com/shamiro-anita