WILLEMSTAD/OUG 2018– Renaissance Curaçao, awó parti di Wind Creek Hospitality pa algun aña kaba ta aportá na e vibrashon rondó di e popular festival. Añanan anterior tabata organisá e eksitoso ‘Jam Sessions’ despues di kada anochi di CNSJ na unda ku músiko i artistanan tabata tene un seshon liber di jazz, despues a hasi esaki un evento públiko rònt di e fòntein ku presentashon di bandanan lokal. Tur aña di nobo a krea un paréntesis komo aporte na e dianan di festival. E aña aki no por pasa sin mas. Awe, djarason tin ambiente di Hershel Rosario & Quartet den Carnaval Casino antisipando e dianan di CNSJ 2018.

Un biaha mas hopi ta esnan ku a skohe Renaissance Curaçao Resort pa e temporada aki; pues, lo ofresé su huéspetnan un ambiente korespondiente na e festival. Un ambiente ‘jazzy’ pa tur hende disfrutá promé òf despues di e anochinan elektrisante di CNSJ 2018. Ta kuminsá awe djarason ku Hershel Rosario & Quartet for di 9’or di anochi. Carnaval Casino ta habrí tur dia for di 10’or di mainta te 4’or di mardugá ku posibilidat pa parker bo outo grátis. Kòrda tene e página di facebook di Carnaval Casino na bista! Si bo ta bai purba bo suerte, hasié semper responsabel!