WILLEMSTAD.- Djadumingu awó Heineken ta ranka sali ku su kampaña huntu ku ‘Summerfall Concert’. Djadumingu awor nan lo bai Bándabou i bishita Westpunt, Knip Chiki, Kenepa grandi, Sta. Cruz i Cas Abou.

Durante dje trep pa Bándabou lo tin spesial riba kompra di kaha di Heineken i karchinan pa e sekshon ‘premium’ di ‘Summerfall Concert’.

Kumpra un kaha di serbes Heineken pa 85 florin i risibí un karchi pa sekshon general di ‘Summerfall Concert’ grátis. Ora bo kumpra 9 karchi pa e sekshon ‘premium’ di ‘SummerFall Concert’ bo ta risibí e di 10 karchi pòrnada.

Dia 26 di novèmber próksimo Circle Events ta presentando ‘SummerFall Concert’ ku presentashon di Lil Wayne, Rick Ross, Meek Mill, August Alsina, Jeremih, Yo Gotti, Fat Joe, dj Envy, Big Tigger i French Montana.

E konsierto aki ku tuma lugá den stadion Ergilio Hato na SDK ta e evento mas grandi pa loke ta trata R&B i Hip Hop ku a yega di wòrdu presentá na Kòrsou. Interes pa e konsierto ta grandi, no solamente na Kòrsou pero e interes for di Aruba, St. Maarten i Sürnam ta mustra ku e konsierto aki lo atraé basta turista for di e islanan.

Si bo no tin bo karchi ainda, hasi lihé bai kumpra bo karchi na Mensing’s Caminada, Beep Beep, 24 uur uit de muur i Digicel.