Curacao Bodybuilding & Fitness Federation (CBBFF) ta organisa Djasabra 19 di September 2015 su kampeonato nashonal annual den Exhibition Hall di WTC. Lo tin diferente kategoria ku lo bai kompeti, entre otro, kategoria di peso di bodybuilding, men’s physique, bikini fitness i figure. CBBFF ta spera di akapara alrededor di 1000 bishitante durante di e kampeonato aki. E aktividat aki ta esun di mas grandi ku CBBFF ta organisa i ta atrae un grupo spesifiko di afishonado na e deporte i estilo di bida di bodybuilding i fitness.

CBBFF ke duna tur bishitante e oportunidat pa sera konosi den forma di un “Healthy Lifestyle Expo” ku produkto i servisio nan lokal, kual e grupo spesifiko aki tin nesisidat di dje.

E programa lo kuminsa 16:00 ku e “Healthy Lifestyle Expo” i 20:00 e kampeonato nashonal ta kuminsa, durante di e kampeonato e ”Healthy Lifestyle Expo” ta keda habri te 23.00.

Tin un kantidat limita di booth pa komersiante nan ku ta interesa na partisipa ku un booth na e Healthy Lifestyle Expo.
Nail ArtistEsaki lo ta un oportunidat uniko pa showcase bo servisio I produkto, deadline pa paga I registra ta 5 di September 2015, OP = OP.

CBBFF a enkarga Celebrations! ku organisashon I kordinashon di e expo, pues no tarda I tuma kontakto ku Celebrations! na 563-0422, info@celebrations-cur.com of via nan pagina di Facebook www.facebook.com/celebrationscur