Un gesto pa muchanan di Kolegio Mgr. Willem Ellis

WILLEMSTAD – YÜLI –  Durante di e último simannan tras di lomba a bin ta rekoudá artíkulonan di skol pa muchanan di Kolegio Mgr. Willem Ellis.  E ‘Back To School Drive’ ta un inisiativa di Renaissance Curaçao Resort & Casino, parti di Wind Creek Hospitality- i ta kuadra ku e filosofia di nan empresa den kual ta duna bèk na nos komunidat. Riba retnan sosial por mira diferente artista ku tambe a djòin e akshon positivo.  Renaissance Curaçao Resort i Carnaval Casino ta gradisí komunidat di Kòrsou ku a bin ta aportá den gran forma na e  ‘Back To School Drive’ i ta hasi un invitashon na tur esnan ku ta deseá di aportá na e kousa aki pa hasi esei e siman aki ainda.

Muchanan lo tin mester di entre otro agènda pa skol, tas pa skol ku 2 kompartimentu, tèrmo, trònchi di pan, place mats, etuí pa pòtlot, pèn, pòtlot, gùm, sleiper, steft di koló, map pa skol, skref di 24 linia, skref pa aritmétika i map grandi di 23 renchi.  E  ‘Back To School Drive’  ta na benefisio di  Kolegio Mgr. Willem Ellis. Por trese e artíkulonan di skol na Carnaval Casino Player’s Center te ku dia 5 di ougùstùs for di  10’or di mainta pa 9’or di anochi.

Komo gratitut Renaissance Curaçao Resort i Carnaval Casino lo rifa dos anochi den Renaissance Curaçao Resort komo promé premio, entre tur ku a hasi un donashon di artíkulonan di skol.  Di dos premio; un sena pa 2 persona,  terser premio; un lùnch pa 2 persona,  di kuater premio; un desayuno pa 2 persona i finalmente un di sinku premio; Carnaval Casino $50 free play cash. Risibí un formulario pa kada donashon, kompletá e informashon riba esaki i deposit’é den e tómbola na Carnaval Casino.  Lo saka e ganadónan dia 5 di ougùstùs. *E ganadónan no mester ta presente durante di e sorteo.  For di awòki Renaissance Curaçao Resort & Carnaval Casino i Wind Creek Hospitality ta gradisí tur hende pa nan aporte na e ‘Back To School Drive’.