Willemstad- Handicaps Rights Foundation  e organisashon ku ta sali na defensa i derechi di personanan desabilidat na Kòrsou próksimamente lo bai organisá un evento pa asina nan por yega na fondo  pa por habri un “Banko di Kuminda”  pa yuda nos hendenan den nesesidat. Ayera tardi na Tera Cotta Café e organisashon a konta di e trabounan ku nan a bin ta hasi  pa basta aña kaba  i mirando e hecho ku nan no ta risibí supsidio di Gobierno, ta pone ku e fundashon no tin fondo pa por kumpli ku tur e petishonnan ku nan ta haña tur dia di personanan desabilita i  tambe esnan den nesesidat pa yuda ku alimentashon i otro nesesidatnan. Handicaps Rights Foundation tin un lista di 142 persona ku nan ta yuda riba un base regular I tur esaki tra sosodé ku koperashon di personanan  i organisashonnan ku ta yuda e fundashon. Mirando ku tur dia nan klientenan ta bira mas tantu, nan a disidí ku nan tei kuminsá ku un banko di kuminda i p’esei e Fundraising Gospel Show “Union, Speransa i Fé” dia 15 di Sèptèmber na Because Entertainment Center  Sala Renaisance. E Gospel Show aki lo konta ku presentashon di artistanan di   Kòrsou manera Adelbert Royer,Saphira Davelaar Wanga, Ingerelli Francois, Reinir Lijfrock, Liesje Liespier, Kor Amor pa Kristu, Pastor Raul, Melania v d Veen, Quincy Martina, Kristie George, Rudvienka Strake, Pedro Luis,Angelo Christina. Entrada ta kosta 40 florin i karchinan ta optenibel na Beep Beep, Koko Loko, Mensings Caminada, Surveey i tambe na Tera Cotta Cafe. Serka miembronan di direktiva dje fundashon tambe por haña karchi.