E unico pa ofrece ‘Kobe Steak’ na Aruba

ORANJESTAD – Juni – Diabierna awor LG Smith’s Steak & Chop House (LGS) na Renaissance Aruba Resort & Casino ta bolbe innova. Conoci pa ofrece un experiencia eleva, sea ta pa brunch of dinner- semper LGS a surpasa expectativa di tur esunnan cu ta fanatico di e miho steak, e miho biña y un ambiente exclusivo pa sinta come y disfruta. Ademas, awendia LGS ta e sitio faborito di tur ehecutivonan y young proffesionals ofreciendo un seleccion amplio di ‘L.G. Smith’s Cocktails’ y lounge music pa accentua e diabierna atardi.

Innovacion semper a forma parti di LGS; e siman aki ta introduci Hai Kobe Night! LGS ta e unico restaurant na Aruba pa ofrece e popular steak Hapones. Loke awendia ta e tendencia culinario mundial, a haña un ‘cas’ na Aruba. Cada ‘ons’ lo ta vital! E carni (di baca) Kobe ta di rasa Tajima for di e cria Hapones. E baca ta wordo alimenta ‘a la perfeccion’ cu e sistema di Hyōgo di acuerdo cu regla y standartenan estableci pa e Kobe Meat Marketing and Distribution Promotion Association. E capital di Hyōgo yama Kobe, di eynan e nomber. E carni ta un dulsura total!

Hai Kobe

Tur diabierna- for di 6’or di atardi- LGS ta ofrece un experencia unico na unda cu lo complementa e suculento carni Kobe cu biñanan exclusivo cu bo por pidi na boter of den glas. Scoge for di aperitivonan manera e tartar tradicional, prepara cu Kobe Beef Tenderloin of purba e ‘Tataki’ consistiendo di Kobe Beef Tenderloin pasa na candela y presenta den slice ‘fini’. Ademas, bo por dicidi den ki termino bo plato principal ta wordo sirbi. E recomendacion ta pa purba e diabierna aki sea e Kobe Beef Tenderloin (4 of 8 oz) of e Kobe Ribeye Steak (10oz).

LGS –ta e ‘# Steakhouse in Aruba di acuerdo cu TripAdvisor- conoci pa su certificacion USDA, su ‘aged-prime steaks’ y varios otro specialidatnan cu ta inclui e famoso ‘rack of lamb’ y nan seafood fresco cumpra na Aruba mes. For di diabierna awor, disfruta di Kobe Steak! LGS ta e unico na Aruba pa ofrece esaki y ta combina e concepto di un ‘steak house’ cu un ambiente moderno di nivel halto. Despues di e orarionan di dinner, e ambiente ta continua te cu 6or di mainta ofreciendo un menu selecta na The Midnight Lounge cual ta un extension di LGS cu bista riba Crystal Casino. Cla pa reserva? Yama 523.6195 of bishita www.lgsmiths.com