WILLEMSTAD// United Distributors Curaçao i Johnnie Walker ta anunsiá ku fotógrafo lokal Gyanno Van Kanten a resultá ganadó di ‘Keep Walking Curacao’. Durante di e último simannan fotografnan lokal tantu profeshonal i amatùr a kompartí e beyesa di Kòrsou riba Instagram via di e kampaña di Johnnie Walker “Keep Walking Curaçao”. Mundu un biaha mas por a tuma nota di Kòrsou su playanan, e arkitektura impreshonante di nos sentro di siudat, nos Handelskade i diferente otro sitio mas.

E foto ganadó, ta un imágen di Waaigat i Punda saká for di den laira. Gyanno a usa su drone pa kapta un kontraste masha bunita- e blou skur di nos laman karibense i e kolónan pastèl di edifisionan den Punda. Gyanno a komentá ku e foto a resultá un sorpresa masha agradabel. “Mi no a imaginá ku e lo a bira algu asina úniko, aunke mi ta bishitá Punda frekuentemente. Mi a enkantá e idea ku un imágen lokal por wòrdu usá di e manera aki. Mi ta spera ku “Keep Walking Curaçao” yuda konsientisá nos komunidat pa apresiá e beyesa di nos pais mas.” Por mira e foto di Gyanno @gvkanten riba Instagram.

Gyanno, ta risibí un Johnnie Walker^® Blue Label™ 0.75 L –un meskla eksklusivo i luhoso, pero mas importante, su foto riba billboard rònt Kòrsou i riba social media di United Distributors Curaçao, kompartiendo e mensahe di union i progreso pa nos isla. Ademas, e foto ganadó lo keda inkluí den un seri di bòternan edishon limitá di Johnnie Walker^® Black Label^® e temporada aki, optenibel na establesimentunan selektá. United Distributors Curaçao ta spera ku e mensahe “Keep Walking Curaçao” ta inspirá nos komunidat pa aspirá e mesun meta ku e marka Johnnie Walker^® – traha duru pa un mihó mañan, krea bo propio kaminda i disfrutá kada paso ku bo hasi padilanti. Pa mas informashon bishitá e página di facebook.com/unitedistributors òf riba www.keepwalkingcuracao.com *www.DrinkIQ.com. *Si bo ta bebe, hasié den forma responsabel.