Djasabra 15 di òktober Grupo Rítmiko Sablika a laga prensa sera konosí ku e direktiva di nan grupo di seú nobo: E Triunfo di Sablika. E rueda di prensa a tuma lugá na Hòfi Cas Cora. 

E direktiva di ETDS ta konsistí di
• Presidente: Shirmina Fraites;
• Tesorero: Sonalie Rollins i Mohiera Goitia
• Relashonnan públiko i miembresia: Shirma Fraites asistí pa Marystella Bernabela
• Kordinadó di aktividat: Diamela Fraites i Endy Bacuna. 
• Trahe: Tyeisha Bernabela

E diseño di e trahe ta den man di Eugenie Florentina di EF Creations i Fabian Plantijn. 

E Triunfo di Sablika lo partisipá den marcha grandi di seú i tambe e marcha di Bandabou ku e tema “Tribu”. Nan trahe lo representá triunfo di e lucha pa libertat di nos héroe nashonal Tula, i tambe Sablika komo e muhé fuerte para su tras. E vishon di grupo di seú E Triunfo di Sablika ta pa mira mas partisipashon den grupo di famianan a base di un kontribushon akseptabel. Ta premirá pa bai marcha ku un total di 100 partisipante. Kontribushon ta  Nafl 575 pa partisipá na tur dos marcha di seú. 
E Triunfo di Sablika ta invitá tur esnan ku ta interesá pa forma parti di un grupo di seú nobo pa akudí na e reunion informativo dia 29 di òktober próksimo. Lo bai tin un presentashon di trahe dia 11-11-2022 na Hòfi Cas Cora. Keda pendiente pa mas informashon riba e Facebook page di Grupo Rítmiko Sablika Curaçao.

Por tuma kontakto ku E Triunfo di Sablika via di nan number di whatsapp +59995202419