Den kuadro di selebrashon di 10 aña di Grupo Rítmiko Sablika den farándula di Kòrsou, nan kier a invitá hinter nan fanatikonan i pueblo di Kòrsou pa bin kuminsá selebrá ku nan.

E fecha mes ta den ougùstùs, pero ya kaba nan kier kuminsá selebrá i asina gradisí Ser Supremo i tur ku di un òf otro manera a bin ta sostené e grupo aki. Ku pa 10 aña largu pasando den tur tipo di prueba a sa di huntu  ku nan Lider Shurendi Pieternella pa tene kabes na haltu i keda deleitá e pueblo di Kòrsou ku nan músika, talento i karisma.

Pa kuminsá e selebrashon dia 14 aprel próksimo den Club Union Boneriano, Sablika i su Amigunan ta bai entren’é e pueblo di Kòrsou manera nan so por hasié. E grupo di Amigunan a krese i lo bai tei, Grupo Kompèr, Grupo Orírí huntu ku Kantadó Mayó, Sharrel Denisia, Den Chikí, Hóben na Timon, Grupo Rítmiko Brasa bo Seú i dimes Grupo Rítmiko SABLIKA.

Entrada ta solamente fl. 5,– pa persona, In=In / Out=Out. Karchi ta optenibel serka tur miembro di e famia di Sablika. For di 12’or lo tin un kushina i bar bon surti, pues bini ku bo famia i asina selebrá ku nos te ku 11’or di anochi.

Miembronan di Prensa tambe ta keda kordialmente invitá pa asina selebrá ku nos i kompartí ku boso Semper a sostené Grupo Rítmiko Sablika.

“Danki pa warda riba SABLIKA”