Grupo Helengue a debutá den Karnaval di 2016 ku hopi éksito i a sa di bai ku e premio di “ Historia Mundial” di kual e grupo ta sinti su mes hopi orguyoso i honra i ke gradisí i felisita Coridja Stars, tur miembro i e públiko grandi ku a apoyá Helengue. I awor preparashonnan a kuminsá pa Seú 2016, i dia 21 di Febrüari a hasi e demostrashon di e trahenan ku Helengue ta bai wapa tantu di Tesoro Plasa bai Otrobanda komo na Banda Abou.

Tur persona ku ta stima Seú i ke partisipá den Seú 2016 ku Grupo Helengue ta bon bini i por yama òf App 005999-521-3700 Danny Yanga i pasa inskribí, por pasa wak e trahenan tantu di e dama i kabayeronan.

Helengue ta un grupo kontentu i alegre i ta bai Seú tambe pa ambiente. Pues yama awe mes i reservá bo partisipashon den “Helengue” Seú 2016.