Grupo di karnaval Yega Pega Djasabra último tabata tin un enkuentro ku prensa kaminda nan a presentá nan trahe ku nan lo bai debutá kuné den e Marcha nan di karnaval pa aña 2014. I asina yuda trese hopi ambiente den kayanan di Kòrsou, i tambe yuda engrandese Kòrsou su karnaval. Nan lo partisipá na e marcha nan di karnaval ku nan “House-Band” ku lo ta : Classic XD ku ta kla pa trese bon ambiente. Tambe grupo di Karnaval Yega Pega a presentá nan Direktiva hopi dinámiko na pueblo di Kòrsou. Nan tema lo ta FIESTA di BLAAS, dor ku ta nan promé aña partisipando den Karnaval nan a skohe e tema aki pa huntu ku pueblo di Kòrsou selebrá e fiesta kultural di mas grandi di nos isla.

Nos tin ku bisa ku e reakshon nan i inskripshon nan ta drentando hopi lihé pues pa mas informashon por tuma kontakto na 5121867 y tambe na 5606600 y tambe via mail na carnivalgroup.yegapega@gmail.com. Un danki tambe ta bai na Apache Heavy Equipment y tambe na Zoya Restaurant & Lounge.