Djamars 4 di November Grupo di karnaval ViVa, dilanti un publiko grandi aya na Landhuis Brakkeput Mei Mei a presenta su trahenan pa gran marcha 2015. ViVa lo partisipa pa di 8 bia den gran marcha, i e bia aki ku e tema: “The Return of MEDICI” MEDICI ta un famia ku tabata super poderoso na Florencia, Italia den siglo XIV durante e periodo di Renaissance. E trahenan ku nan a presenta ta trahenan adapta na e periodo di nos siglo pero ku karakteristikanan di e temporada di Renaissance kombina ku e toke karnavalesko.Grupo ViVa lo ser akompanja pa e banda di ambiente SCORE huntu ku e rei nan di ambiente kual ta Paul Welvaart i Hunnely Felicia den e gran marchanan di karnaval 2015. ViVa na e momentunan aki tin 350 miembro inskribi ku ta e kantidat maksimo ku nan ta bai marcha kune. Ya trabounan a start na nan Sede pa garantisa ku tur kos ta kla na tempu.