Fundashon Grupo di Karnaval “Nos Tei I Nos Tambe Tei” a yega na un idea super kreativo pa karnaval 2014. Mirando ku e grupo ta debutando I ke bin ku ideanan inovativo a yega na e grandioso idea pa organisa e tremendo elekshon di: “Little Carnival Princess 2014” Team di “Nos Tambe Tei” ta kere fielmente den den nos hobenan I ta pesei mes ta kere ku rekrea ta un di e partinan sumamente importante. E idea aki a nase na momento ku a kuminsa haña un reakshon masha grandi mes riba e diferente Fundraisingnan ku e grupo a bin ta hasi ku muchanan ta diberti masha I pasa bon. E meta di e grupo no ta pa bai solamente karnaval pero ta pa laga e hobensitonan sintinan super importante I eduka nan riba e diferente aspekto. Pesei a traha un programa super intensivo pa asina e aspirantenan pa e korona di e grupo por bira un basta kotisa. E sertamen ta pa hobensitanan di 5 pa 11 aña I lo tuma luga dia 26 di Januari 2014 den International School of Curacao! Hobensitanan lo kuminsa nan preparashonan for di awor aki riba e parti di edukashon I lo presenta nan dia 03 di November na Prensa! E parti di lesnan lo kai bow di Sr. Eduard Reineta ku no ta un persona deskonosi den mundu di  enseñansa, e parti di produkshon lo kai bow di Sr. Aubrey America ku ta un produktor lokal e internashonal I Organisashon lo tan a enkargo di Presidente Sra. Dilza Casper. Gandora di e sertamen lokal lo tin komo premio representa Korsou den un sertamen internashonal na Republica Dominicana na Mei proximo, dus Mami I Papi no warda mas ata e oportunidat ku tur chiktin tabata warda pa nan por experiensia algu super bunita I ta riba e bunita karosa ku Grupo di Karnaval “Nos Tambe tei” lo presenta den karnaval 2014. Pa mas informashon por yama 690-1111! Bin experiensia e Hardin di e Powisnan.