WILLEMSTAD- Aprel 2013; Tabata djamars último ku grupo di Karnaval Grand Caché anteriormente Karnavalsgroep Caché a hasi introdukshon di tantu su nòmber i logo nobo kompañá pa un tim di inovashon . Den un setting sosial na Rio Lounge miembronan di prensa i invitadonan spesial a haña oportunidat di konosé e tim di inovashon i alabes hasi preguntanan na esnan konserní tokante e grupo di karnaval.

Ya pa 16 aña konsekutivo Caché a sa di duna su kontribushon na Karnaval di Kòrsou i a yega momentu pa e grupo di karnaval bolbe dal un stap pa sigui desaroyá  i . Pa e motibu aki a hasi introdukshon di tantu un nòmber nobo kual ta “Grand Caché” ku  un logo bunita i kolorido pa kompaña.  Ademas di esaki Dayanara Roozendal, kende ta presidente di Grand Caché, a introdusí e tim di invashon  ku lo bai asisti ku e grupo di karnaval. E tim di inovashon  aki ta konsistí di; Eugenie Florentina, Louella Romano, Pierreson Thielman  Maudy Pinedo i  Rodney Aniseto kende lo ta kabesante di e tim. “E ta yena nos ku un sintimentu di satisfakshon enorme sabiendo ku Karnavalsgroep Caché awor Grand Caché lo eksperensia un kresementu i desaroyo di e magnitut aki. A skohe pa agregá un tim di inovashon pa asina duna un sabor diferente na e grupo di karnaval. Nos ta ansioso pa presentá e pueblo karnavalesko kreashonnan fresh ku lo duna un toke diferente na e marcha di Karnaval. Karnaval 2014 lo ta un e aña pa modernisashon total” esaki di akuerdo ku Dayanara Roozendal. Aparte di a duna informashon tokante di e team inovativo a informá tambe tokante e kontribushon pa partisipá den Grand Caché. Esaki a bira Naf 1350,- pa e sekshon General. Esaki ta ménos ku aña pasa teniendo na kuenta e situashon ekonómiko kritiko ku pais ta pasando aden.  I manera semper Grand Caché ta ku Gio Fuertisimo. Pa mas informashon por yama na telefon 5148811 òf por manda un mail na info@grand-cache.com